Syniadau Anrhegion Casgliad 2022
Wrth galon Casgliad mae angerdd dros gefnogi gwneuthurwyr ac artistiaid unigol. Ni fydd yn syndod felly y bydd ein pwyslais wrth siopa am anrhegion eleni ar siopa’n lleol a rhoi arian yn ôl i’n cymunedau lleol.
Rydym yn ffodus i weithio'n agos gyda chymaint o wneuthurwyr ac artistiaid dawnus. Mae'r Canllaw Anrhegion Cymreig hwn yn ymwneud â'u dathlu nhw a'u gwaith a dangos nad oes angen i chi deithio'n rhy bell na hyd yn oed gadael cysur eich soffa eich hun ar gyfer yr anrheg Gymreig berffaith!
Rydym wedi gwneud siopa am anrhegion i'ch anwyliaid yn haws eleni gyda dau gategori newydd ar dudalen ‘Siop’ Casgliad gyda'r adrannau 'Anrhegion Cymreig dan £25' ac 'Anrhegion Cymreig o dan £50' wedi eu trefnu yn nhrefn pris o isel - uchel er hwylustod pori.
Roedd yn arbennig o heriol rhoi’r canllaw anrhegion hwn at ei gilydd gyda chymaint o anrhegion posibl ar y wefan i ddewis ohonynt. Rydym, felly, wedi dewis ychydig o’n ffefrynnau isod i weddu i bob unigolyn!
